Loka

Not a member yet?Register now and get started.

lock and key

Sign in to your account.

Account Login

Skógrækt



 

„Náttúran er líkamning nafns Míns, höfundarins, skaparans“ - Bahá'u'lláh

 

Fæðingarstaður Matthíasar Jochumssonar

Matthías Jochumsson

Matthías Jochumsson

Jörðin Skógar í Þorskafirði er fæðingarstaður þjóðskáldsins Matthíasar Jochumssonar. Hann ólst þar upp til 12 ára aldurs. Bernskustöðvarnar voru honum ætíð ofarlega í huga eins og fram kemur í ljóðinu Móðir mín en þar segir:

Ég man það betur en margt í gær

Þá morgunsólin mig vakti skær

og tvö við stóðum í túni.

Þú bentir mér yfir byggðahring

Þar brosti við dýrðin allt í kring

Og fjörðurinn bláöldum búni.

 

Séra Matthías var víðsýnn maður. Hann skrifaði lofssamlega grein um Bahá'u'lláh og birti hana í blaðinu Íslending á aðfangadag, árið 1915 (hér má sjá síður 151 og 152 úr blaðinu).

 

 

Jochum Eggertsson

Jochum Eggertsson

Jochum Eggertsson

Bróðursonur Matthíasar, Jochum Magnús Eggertsson (1896-1966), var einn af fyrstu bahá'íunum á Íslandi. Eftir að hafa fengið 3var sinnum sömu vitrunina í draumi, sem benti honum á sannleiksgildi bahá'í trúarinnar og helgi staðarins sem Matthías fæddist á, keypti hann jörðina Skóga árið 1950 og hóf þar skógrækt. Hann setti niður plöntur og kom upp þúsundum barrplantna með sáningu. Jochum má telja til frumkvöðla skógræktar á Íslandi. Hann arfleiddi íslenska bahá'í samfélagið að landinu.

Jochum var rithöfundur og skáld. Hann skrifaði jafnan undir höfundarnafninu Skuggi.

 

Starfið fram til dagsins í dag

Eftir andlát Jochums, árið 1966, tók bahá'í samfélagið við starfinu. Þúsundir trjáplantna hafa verið gróðursettar. Til þess að gróðurinn geti þrifist er nauðsynlegt að girða landið gegn ásókn búfjár. Mikið átak hefur verið gert í þeim efnum, oft við erfiðar aðstæður. Starfið í Skógum er nú unnið í samstarfi og undir leiðsögn Skógræktarinnar og Landgræðslunnar.

Viðkvæmur gróður að Skógum í Þorskafirði. Myndina tók Þórarinn Ólafsson

Viðkvæmur gróður að Skógum í Þorskafirði. Myndina tók Þórarinn Ólafsson