Close

Not a member yet?Register now and get started.

lock and key

Sign in to your account.

Account Login

Andlegar kenningar


Stighækkandi opinberun
Stighækkandi opinberun

Andlegur kjarni allra helstu trúarbragða mannkyns er ást, eining og bræðralag manna. Þessi gullna regla birtist í ritum þeirra allra.

Í einni af skyldubænum bahá’ía segir: „Ég ber því vitni, ó Guð minn, að þú hefur skapað mig til að þekkja þig og tilbiðja þig.“ Að sinna efnislegum þörfum er ekki megintilgangur lífsins, enn síður að safna auði og ríkidæmi. Stefna ætti að hærri markmiðum. Bahá’í trúin leggur áherslu á bænahald og íhugun í daglegu lífsmynstri bahá’ía en auk þess er lögð áhersla á að innra ástand mannsins endurspegli góðar gerðir hans og þjónustu við mannkynið.

Trú- og hugsanafrelsi eru mannréttindi sem ásamt þeirri frumskyldu að leita sannleikans upp á eigin spýtur veita okkur frelsi og hæfni til að þroskast andlega og leggja hönd á plóg við að byggja upp nýja „síframsækna“ siðmenningu. Til að þetta geti orðið að veruleika þarf að vaxa upp ný kynslóð sem takmarkar ekki tilgang lífsins við sínar eigin þarfir.

 

Bahá'í trú

„Ætla engri sálu það, sem þú vildir ekki að þér væri ætlað, og seg ekki það, sem þú framkvæmir ekki.“

„Sæll er sá sem tekur bróður sinn fram yfir sjálfan sig.“

„Og ef augu þín beinast að réttlæti, óska náunga þínum þess sem þú óskar sjálfum þér.“

Búddhatrú

„Særðu ekki aðra með því sem særa myndi þig sjálfan.“

Kristindómur

„ Allt sem þér viljið að aðrir menn geri yður, það skuluð þér og þeim gera.“ (Matt. 7:12)

Hindúatrú

„Ekki ætti að haga sér gagnvart öðrum með þeim hætti sem væri manni sjálfum ekki að skapi“ (Mencius Vii.A.4 )

„Þetta er kjarni Dharma [skyldunnar]: gerið ekki öðrum það sem myndi valda yður hryggð væri það gert yður.“ (Mahabharata 5:1517)

Islam

„Enginn yðar trúir [í sannleika] fyrr en þér óskið þess fyrir bróður yðar þess sem þér óskið fyrir yður sjálfa.“ (Nr. 13 Imam "Al-Nawawi's Forty Hadiths.")

Gyðingdómur

„Þú skalt elska náunga þinn eins og sjálfan þig.“ (Þriðja Mósebók 19:18)

„Það sem þér er viðurstyggð skalt þú eigi gera náunga þínum. Þetta er lögmálið. Allt annað eru útlistanir.“ (Talmud, Shabbat 31a)

Saraþústratrú

„Mannseðlið er aðeins gott þegar það aftrar sér að gera öðrum það sem ekki er gott fyrir það sjálft.“ (Dadistan-i-dinik 94:5 )

„Ger ekki öðrum það sem þér fellur ekki sjálfum.“ Shayast-na-Shayast 13:29