Close

Not a member yet?Register now and get started.

lock and key

Sign in to your account.

Account Login

Þroski sálarinnar


Bahá'í ungmenni í Tirik, Kenía
Bahá'í ungmenni í Tiriki, Kenía

 

„Sá sem hefur þekkt sjálfan sig, hefur þekkt Guð“ Bahá'u'lláh

 

Fóstur í móðurkviði þróar með sér ýmis líffæri sem það þarf ekki á að halda þar, en eru ómissandi í þessu lífi. Á sama hátt þarf maðurinn að þroska sál sína til að undirbúa sig fyrir næstu tilveru. Það gerir hann með því að rækta með sér í þessu lífi dyggðir eins og kærleika, réttlæti, umburðarlyndi og ást.

Í bókinni Hulin Orð, sem Bahá'u'lláh opinberaði, ávarpar Guð mannfólkið.

„Ó, VERUNDARSONUR!
Statt sjálfum þér reikningsskap á hverjum degi áður en þú verður krafinn skilagreinar, því að fyrirvaralaust mun dauðinn koma til þín og þú verður kallaður til að standa reikningsskil gerða þinna.“

 

Veraldir Guðs

Helgistund í Torontó, Kanada

Helgistund í Torontó, Kanada

Þegar lífinu lýkur hverfur líkaminn aftur til jarðarinnar, en sálin til Guðs.

„Vita skalt þú í sannleika, að sálin heldur áfram að þróast eftir viðskilnaðinn við líkamann uns hún kemst í návist Guðs í þess konar ástandi og ásigkomulagi að hvorki framrás alda og árþúsunda né breytingar og umskipti þessa heims geta náð til hennar. Hún varir jafn lengi og ríki Guðs, yfirráð hans, vald og herradómur varir.“ - Bahá’u’lláh

Það er því engin ástæða til að óttast dauðann. Hann ætti frekar að vera öllum tilhlökkunarefni.

„Ó SONUR HINS ÆÐSTA!

Ég hef gert dauðann að sendiboða fagnaðar til þín. Því ert þú dapur? Ég hefi úthellt yfir þig dýrð ljóssins. Því hylur þú ásjónu þína?“