Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Papúa Nýja-Gínea: Tilbeiðsluhús í smíðum stendur sem einingartákn
16. ágúst 2023
Höfundur: Þjóðarskrifstofa
PORT MORESBY, Papúa Nýju-Gíneu — Þegar sólin rís yfir Port Moresby lýsir hún upp einstakt ofið ytra byrði sem umvefur bahá’í tilbeiðsluhúsið sem þar er verið að reisa. Hönnun framhliðarinnar sem lauk nýlega - og sótti innblástur í hefðbundinn vefnað - er táknræn fyrir einingu og samlyndi fólks af mismunandi bakgrunni víðsvegar um Papúa Nýju-Gíneu.
Í landi þar sem er að finna meira en 1.000 þjóðernishópa er þetta heilaga mannvirki, sem nú er á lokastigi, ábending til þeirra allra. Kevin Tagos, sem starfar við bygginguna, segir: „Við komum frá ýmsum stöðum í Papúa Nýju-Gíneu og lærum hvert af öðru. Við segjum hvert öðru sögur um fegurð tilbeiðsluhússins og hvernig það sameinar okkur.“
Samkvæmt bahá’í kenningum eru tilbeiðsluhúsin mjög þýðingarmiklar stofnanir og áþreifanleg dæmi um hvernig hægt er að flétta saman tilbeiðslu og þjónustu. Þessi hugmynd fær meiri hljómgrunn í samfélögunum umhverfis tilbeiðsluhúsið og þangað koma sífellt fleiri reglulega saman til þess að biðja og íhuga hvernig þau geta þjónað þörfum samborgara sinna.
Fréttina í heild ásamt fleiri myndum má sjá á vef fréttaþjónustu Bahá’í heimssamfélagsins.
[Þýtt af Eðvarði T. Jónssyni]
Bahá'í þjóðartilbeiðsluhúsið í Port Moresby á Papúa-Nýju Gíneu við sólarlag.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
