Í dag kl. 18:00 hefst fæðingarhátíð Bábsins, fyrirrennara bahá’ía trúarinnar.
Um miðja 19. öld lýsti Bábinn því yfir að hann væri boðberi nýs boðskaps frá Guði sem myndi umbreyta andlegu lífi mannkyns og ryðja brautina fyrir annan boðbera Guðs sem væri honum meiri og myndi koma á öld friðar og réttlætis.
Bahá’íar á Íslandi munu minnast fæðingar Bábsins í dag og á morgun. Í Reykjavík verður fæðingarhátíðanna minnst í Bahá’í þjóðarmiðstöðinni að Kletthálsi 1.