Á hverju ári eru 11 bahá'í helgidagar. Einn þeirra er uppstigning (andlát) 'Abdu'l-Bahá, sem bar titilinn Miðja sáttmálans, en Bahá'u'lláh útnefndi Hann höfuð trúarinnar eftir sinn dag og túlkanda kenninga sinna. 'Abdu'l-Bahá er ein af þremur höfuðpersónum trúarinnar. Hinar eru Bábinn, fyrirrennari trúarinnar og Bahá'u'lláh, opinberandi og stofnandi hennar. Uppstigningar (andláts) 'Abdu'l-Bahá var minnst þann 28. nóvember út um allan heim, þar á meðal víða á Íslandi. Farið var með bænir og lesið úr helgiritum í tilefni dagsins.