Landsþing bahá'ía á Íslandi hófst laugardaginn 27. apríl, 2019. 19 fulltrúar frá ýmsum svæðum af landinu og meðlimir fráfarandi andlegs þjóðarráðs áttu gagnlegt samráð um framgang málstaðarins. Erna Magnúsdóttir aðstoðarráðgjafi flutti ávarp fyrir hönd Álfuráðs bahá'ía í Evrópu. Ridván boðskapur Allsherjarhúss réttvísinnar, æðstu stofnunar bahá'í trúarinnar, var lesinn og ársskýrsla Andlegs þjóðarráðs flutt. Eftir hádegi kusu fulltrúarnir nýtt andlegt þjóðarráð, en í því eiga sæti 9 einstaklingar. Þessir hlutu kosningu: Halldór Þorgeirsson, Sjöfn Heiða Steinsson, Matthías Pétur Einarsson, Elínrós Benediktsdóttir, Róbert Badí Baldursson, Marta Hinriksdóttir, Ólafur Bjarnason, Kristín Svanhildur Ólafsdóttir og Bridget Ýr McEvoy. Landsþingið heldur áfram á morgun.