BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Námshringir
Bahá'í námshringur í Toronto, Kanada
„Hægt er að bæta heiminn með hreinum og góðum gjörðum, með lofsverðu og sæmandi framferði.“ - Bahá'u'lláh
„Allir menn hafa verið skapaðir til að stuðla að sí-framsækinni siðmenningu,“ segir Bahá'u'lláh. Síðan útskýrir hann hvað hann á við. „Hinn Almáttugi ber mér vitni: Það sæmir ekki manninum að hegða sér sem dýr merkurinnar. Þær dyggðir sem hæfa tign hans eru umburðarlyndi, miskunn, samúð og ástríki gagnvart öllum þjóðum og ættkvíslum jarðarinnar.“
Til að öðlast betri skilning á sýn Bahá'u'lláh um framþróun siðmenningar bjóða bahá'í samfélög um allan heim upp á námshringi sem eru opnir öllum þeim sem náð hafa fimmtán ára aldri. Námsefnið byggir á kenningum trúarinnar um ást, einingu og umbreytingu. Áhersla er lögð á þjónustu við mannkynið. Tilgangurinn með náminu er að finna leiðir sem einstaklingurinn getur farið til að breyta sjálfum sér og, í samstarfi við aðra, þjóðfélaginu sem hann býr í.
Þessi íslenski hópur lauk við fimmtu bók Ruhí námshringsins, sem fjallar um andlega eflingu unglinga, til að undirbúa sig til að þjóna sem hvetjarar unglingahópa.
Íhugun um líf andans
Fyrsta bókin í námshringjaröðinni heitir Íhugun um líf andans. Fjallað er um andlegt eðli mannsins út frá sjónarhorni bahá’í trúarinnar. Námskeiðið skiptist í þrjá hluta sem allir lúta að andlegu lífi einstaklingsins: 1) Að skilja bahá’í ritningarnar 2) Bænir og 3) Líf og dauði.
Hafðu samband við bahá'ía á þínum stað, eða Bahá'í þjóðarskrifstofuna, ef þú vilt taka þátt í námshring. Hringdu í síma 567 0344 eða sendu okkur tölvupóst á netfangið: bahai[hjá]bahai.is
Fræðslumynd með íslenskum texta um bahá'í starfsemi í ýmsum löndum.
- English
- Íslenska
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
