Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Bahá’íar um allan heim minnast dags Sáttmálans.
26. nóvember 2022
Höfundur: siá
'Abdu'l-Bahá, miðja Sáttmálans.
25/26. nóvember: Bahá’íar um allan heim minnast dags Sáttmálans.
Dagur Sáttmálans er sérstakur helgidagur í bahá’í trú þar sem þess er minnst að ‘Abdu’l-Bahá var útnefndur miðja Sáttmála Bahá‘u‘lláh og eini túlkandi ritninganna eftir daga hans. Vegna þess hefur eining trúarinnar haldist og hún ekki skipst upp í fylkingar.
Á degi Sáttmálans er ekki eingöngu fagnað einingu trúarinnar, heldur einnig stóra sáttmálans á milli Guðs og mannkyns. Í þeim sáttmála er hlutverk mannkyns að bera kennsl á opinberanda Guðs og fylgja þeirri leiðsögn sem opnast mannkyni á hverjum tíma fyrir sig. Mannkynið mun aldrei vera skilið eftir eitt og án leiðsagnar. Leiðsögnina í dag fáum við frá opinberanda Guðs fyrir okkar tíma, Bahá’u’lláh.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
