Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Dagatal með helgi- og hátíðisdögum trúfélaga
5. janúar 2023
Höfundur: siá
Samráðsvettvangur trúfélaga og lífsskoðunarfélaga á Íslandi hefur gefið út dagatal með helgi- og hátíðisdögum trúfélaganna. Í tilkynningu frá séra Jakobi Rollandi, talsmanni samráðsvettvangsins kemur fram að öll félögin sem standa að samráðsvettvanginum, 25 að tölu, standi að baki útgáfunni. Hönnuður er Geoffrey Pettypiece en ljósmyndirnar tók Lárus E. Bjarnason.
Ennfremur segir í tilkynningunni að með útgáfunni sé „leitast við að miðla upplýsingum til almennings, sem geta nýst á margvíslegan hátt í fjölmenningarþjóðfélagi nútímans. Megi þetta átak stuðla að samheldni samfélagsins á Íslandi með umburðarlyndi og gagnkvæma virðingu að leiðarljósi.“
Leyfilegt er að nota dagatalið og dreifa því að vild.
Meðfylgjandi er PDF útgáfa dagatalsins: https://mcusercontent.com/efba3f853d7604e4ebc293699/files/e8e2ce34-40d6-...
(Unnið upp úr frétt frá Bahá'í skrifstofunni, Kletthálsi 1)
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
