Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Þrettánda alþjóðaþingið
25. apríl 2023
Höfundur: siá
BAHÁ’Í HEIMSMIÐSTÖÐIN — Um það bil 1400 fulltrúar frá fleiri en 170 löndum eru komnir til Haífa til að taka þátt í alþjóðlega bahá‘í þinginu. Þingið er haldið á fimm ára fresti í heimsmiðstöð trúarinnar, sem er bæði stjórnarfarsleg og andleg miðstöð bahá‘í heimssamfélagsins.
Á alþjóðaþinginu munu þessir fulltrúar, sem eru þverskurður af mannkyninu, taka þátt í samráðsfundum og kjósa alþjóðlegu stjórnstofnun bahá‘í trúarinnar, Allsherjarhús réttvísinnar.
Á samráðsfundunum verður fjallað um hvernig bahá‘í heimssamfélagið getur eflt viðleitni sína til að stuðla að friði á jörðinni. Þessi viðleitni felur meðal annars í sér fræðslustarf, sem miðar að því að auka hæfni þátttakendanna til að byggja upp betri samfélög. Auk þess er gaumur gefinn að þróunarstarfi og þátttöku í umræðum um þjóðfélagsmál.
Fulltrúarnir sem sækja alþjóðaþingið eru meðlimir andlegra þjóðarráða sinna landa. Þjóðarráðin, sem eru kosin árlega hvetja, leiðbeina og stuðla að starfsemi bahá‘í samfélaga hvers lands fyrir sig.
Þingið stendur frá 29. apríl til 2. maí. Á fyrsta degi þingsins munu fulltrúarnir hittast til að kjósa níu meðlimi Allsherjarhúss réttvísinnar til fimm ára.
Fulltrúarnir undirbjuggu sig fyrir þingið með því að biðjast fyrir við helgidóm Bahá‘u‘lláh í Bahjí.
Tveir fulltrúar frá Nígeríu nálægt helgidómi Bahá‘u‘lláh
Nánar hér: https://news.bahai.org/story/1656/
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
