Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Myndband sýnt á sýningu þrettánda alþjóða bahá‘í þingsins
27. apríl 2023
Höfundur: siá
Einstaklingar, samfélög og stofnanir leitast við að virkja mátt trúarinnar til að styrkja þjóðfélagið.
Þátttakendum alþjóðaþingsins býðst að horfa á þetta 4 mínútna langa myndband sem er sýnt á sýningu sem fjallar um viðleitni bahá'í heimssamfélagsins til að koma á þjóðfélagsbreytingum. Þar er um að ræða fræðslustarf sem miðar að því að auka hæfni fólks til að bæta samfélagið. Auk þess er fjallað um þátttöku bahá'ía í ýmis konar ráðstefnum og þingum sem fjalla um þjóðfélagsmálefni.
Hluti sýningarinnar er nálægt því svæði þar sem skráning á alþjóðaþingið fór fram, eins og sjá má á myndinni, sem tekin var fyrir nokkrum dögum.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
