Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
“For the Betterment of the World” (Til að bæta heiminn): Ný útgáfa ritsins kemur út á heimsþinginu
1. maí 2023
Höfundur: siá
1. maí, 2023
BAHÁ’Í HEIMSMIÐSTÖÐIN — Ný útgáfa ritsins For the Betterment of the World (Að bæta heiminn) er komin út. Ritið fjallar um starfsemi bahá‘í samfélagsins, í samvinnu við fólk úr öllum stéttum sem lætur sig þjóðfélagsmál varða, til að stuðla að efnahagslegri og samfélagslegri framþróun.
Þetta rit, sem Bahá’í International Development Organization Centre (Alþjóðlega bahá‘í þróunarstofnunin) við Bahá‘í heimsmiðstöðina gaf út, veitir innsýn í hvernig bahá‘í þjóðfélags- og efnahagsþróun er framkvæmd.
Grundvallareinkenni þessa starfs, segir í ritinu, er skipulag, sem er í stöðugri þróun, sem felur í sér sameiginlegt lærdómsferli, byggt á andlegum meginreglum sem finna má í bahá‘í kenningunum og þeirri sannfæringu að allir menn „hafa verið skapaðir til að stuðla að siðmenningu sem er í stöðugri þróun.“ Ritið fjallar um nokkur grundvallaratriði þessa ramma með dæmum af starfseminni um víða veröld.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
