Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
13. heimsþingið: Samráð vekur nýja von um betri framtíð mannkyns
2. maí 2023
Höfundur: siá
Bahá‘í heimsþinginu lauk í dag, eftir nokkra daga samráð á meðal fulltrúanna um ferlið sem miðar að því að auka getu íbúanna á hverjum stað. Slík starfsemi er þegar hafin í samfélögum um allan heim, til að stuðla að andlegri, siðferðislegri og efnahagslegri framþróun þjóðfélagsins.
Ráðgjafi frá Evrópu stjórnaði morgunfundinum 30. apríl. Á honum voru skilaboð Allsherjarhúss réttvísinnar meðal annars lesin, samráð var haft og tónlistaratriði flutt.
Fulltrúar frá ýmsum löndum í Ástralasíu flytja lag á 13. heimsþinginu
Sjá nánar hér, þar á meðal fjölmargar ljósmyndir til viðbótar: https://news.bahai.org/story/1664/
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
