Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Einn af stærstu helgidögum bahá'í trúarinnar haldinn hátíðlegur um allan heim
24. maí 2023
Höfundur: siá
Helgidómur Bábsins á Karmelfjalli er upplýstur að nóttu til.
Yfirlýsingarhátíð Bábsins, fyrirrennara Bahá'u'lláh, hófst i kvöld. Yfirlýsing Bábsins átti sér stað í borginni Shíráz í Persíu 23. maí, árið 1844. Þessi atburður var upphaf bahá'í trúarinnar. Bábinn var fyrirrennari Bahá'u'lláh, opinberanda bahá'í trúarinnar. Í helgiritum mannkyns, þar á meðal í Biblíunni, eru spádómar sem benda á árið 1844 þegar fyrirheitið um endurkomu Krists mundi rætast. Biblían bendir líka á árið 1260. Það merkilega er að árið 1260 samkvæmt tímatali múslima er árið 1844 samkvæmt okkar tímatali.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
