Föndrið tengdist tilvitnuninni sem börnin voru að læra

Hópur áhugasamra barna á aldrinum 4 til 8 ára mætti í fyrstu bahá'í barnakennslustundina sem fór fram í Bahá'í þjóðarmiðstöðinni í dag. Börnin sungu nokkur lög, hlustuðu á sögu um 'Abdu'l-Bahá í London, lærðu tilvitnanir úr helgiritum trúarinnar, fóru í leik og föndruðu. Í lokin fengu börnin verkefni til að vinna heima. Nokkrir foreldrar mættu á þessa fyrstu kennslustund. Barnakennslan verður annan hvern sunnudag í vetur. Baldey Pétursdóttir, Erna Magnúsdóttir og Sigurður Ingi Ásgeirsson sjá um kennsluna og Arianna Ferro er þeim til aðstoðar. Kennslan er opin fyrir öll börn, hvort sem foreldrar þeirra eru bahá'íar eða ekki.