BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Unglingahópar
Bahá'í unglingahópur í Hafnarfirði málar leiktæki á skólalóð
„Heilög orð og hreinar og góðar gerðir stíga upp til himins guðdómlegrar dýrðar.“ - Bahá'u'lláh
Bahá'í trúin sér í unglingum fórnfýsi, næma réttlætiskennd og þrá til að byggja upp betri heim.
Unglingum á aldrinum 12-14 ára er boðið upp á námskeið sem hjálpar þeim að greina muninn á uppbyggilegum og eyðileggjandi öflum í þjóðfélaginu og skilja áhrif þeirra. Þeir læra að bæta tjáningarhæfni sína og auka þann siðferðilega styrk sem þeir þurfa á að halda til að geta orðið göfugir einstaklingar sem starfa til góðs fyrir alla. Unglingahóparnir taka oft að sér þjónustuverkefni sem gagnast þeirra nánasta umhverfi.
Hafðu samband við bahá'ía í þínu samfélagi ef þig langar til að vera með í unglingahóp. Þú getur líka hringt til bahá'í þjóðarskrifstofunnar í síma 567 0344, eða sent tölvupóst á: bahai[hjá]bahai.is til að kanna hvað er í boði hverju sinni.
Myndband á ensku um námskeið fyrir unglinga, sem bahá'íar bjóða upp á.
- English
- Íslenska
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
